放題例牌有好多款點餐紙啦，熟食、刺身、壽司、炸物，總有一款岩你心水嘅
上菜之前會先上醬料同配菜
佢呢度寫明話會送二選一鍋物，我地就打算留到最後先
先黎一個刺身船，真係好鬼有氣勢呀！
重點係咩呢？佢啲刺身係厚切，完全唔係Hea你架喎！再黎就係果餅海膽，竟然食到呀，而且無咩臭味，都幾新鮮。
跟手就點左少少壽司。佢嘅壽司唔會話舊飯勁大舊，但片魚生就勁細，而係都算平均，幾好味添
食放題有燒波羅就真係會加分
仲有呢個炸榴連波波，就係令我心思思想返黎食嘅原因！
放題黎講，飲品任飲根本是常識吧，但特別在佢有前排大熱嘅零卡可樂，咁就可以試新野喇
講到店內空間感呢，個人就覺得有啲窄，特別係啲通道，如果有另一個人想迎面過，真係要縮肚腩呀
不過今次黎嘅時段係食飯時段，現場爆滿，建議想食嘅，真係要預啲時間黎排隊呀！
最後就食埋呢個芝士焗蝦，芝士配合沙律醬，一絕呀！
