One More Hotpot 來一鍋 (Closed)

星期日夜晚食得幾枱客，環境好靚，似cafe多過打邊爐。坐底之後侍應brief左次點樣揀野食，聽到好悶，我地揀左個養生花膠螺頭窩不過無螺頭。個窩黎到原來入面有成隻雞喺度，講真都幾阻住，搞到無乜位淥野食。手打丸同餃子好食，但係個冬菇釀肉就唔掂，個味唔夾。牛肉同滑牛都唔錯，豆卜可以唔洗叫，好難食。而炸魚皮同響鈴好大分，大過塊面，食到隻手好攰但係都幾好味，食到尾好漏。最後要問侍應先會出心軟，出乎意料好好味，內外都係暖，朱古力醬好濃，就算飽都食得落。