武士拉麵 (Closed)

Emax開多咗好多食肆，選擇多咗，在食客嚟講係一件好事。今晚去武士拉麵開餐。要去武士拉麵開餐，先要武士嘅決心，因為餐廳位於走廊盡頭，行過去都真係要啲腳骨力；幸好呢啲腳骨力唔係白費嘅，因為辛苦得嚟志在食，食到好嘢，行多幾步都唔緊要啦。選擇了德川將軍拉麵，即是醬油魚介豬骨湯底。湯底調配得很好，既有醬油鹹香，卻又不會太過，還能把魚介及豬骨香味帶出來，果然是店長的推薦配搭。麵條、麵身也是店長推薦配搭，又是恰到好處的選擇。叉燒比較珍貴，就是一塊。我更喜歡其流心蛋，有夠香口。開始食的時候緊記要先吃紫菜，浸淋了就不好味咯。小吃是武士小丸子，這值得強烈推介，雖然一客份量不多，也不算十分巨型，但勝在外層鬆化，薄脆香口，十分滋味。全日消費均無需加一，正呀！