德家日式燒肉店 (Closed)

一直都知道旺角有一間好不錯的燒肉店，今次見到有六周年優惠就同朋友仔一齊嚟試吓！朋友仔有個「家」同音字，所以佢就有半價，我哋三人同行都抵咗好多！我哋揀咗最高級嘅餐，D肉都好正，例如有安格斯拼盤，有特別好味嘅一次性安格斯牛頸脊及牛小排，脂肪分布平均，肉味濃郁；能任點的特上牛脊肉、牛肋肉、一口牛、厚切牛舌都好靚，厚切牛舌特別爽口，好值得encore。見到好多靚牛，心情特別抒發！除了有燒肉外，海鮮刺身盛燒肉半放題亦會送五款特選海鮮鮑魚、大扇貝、海蝦、大蜆、甲羅燒！鮑魚已經經過調味，口感彈牙，扇貝大大粒喎味道新鮮；而精選刺身盛就有三文魚、榮螺肉、甜蝦、帶子、赤貝，呢啲都好鮮甜～三文魚相當肥美，帶子彈性鮮香，各款都比想像中質素高。燒烤方面也有各式各樣的選擇包括甜薯，牛油帆立貝，牛油金菇，翠玉瓜，秋葵，菠蘿等，款式多多。另外出面仲可以選擇牛骨湯，要來煮菜一流，有相當特別的冰菜，口感正又新鮮！自取的地方還有很多凍蝦，彈牙有鮮味。飲品方面除了各式各樣的選擇外，也有還原水冷泡茶，相當健康，味道清淡清新消脂解膩。最後甜品方面仲有一人一盒Movenpick，好滿足環境：