帝樂德國餐廳 (Fashion Walk) (Closed)

朋友介紹帝樂德國餐廳，依家做緊推廣活動，$45一大杯生啤酒，而且啤酒超級新鮮！不過真係大杯，兩個人一齊飲先飲得曬。來到德國餐廳，必定要點豬！豬手嘅皮酥脆到咯咯聲，近住骨位置仲黐住啲筋，好好味呀！配搭生啤，簡直係一流！另外點左個沙律，羽衣甘藍切得好碎，撈埋啲柚子、洋蔥同橄欖油，具有層次之餘，仲保留少少甘苦味，真係好特別。職員介紹我吃homemade 薄餅，不過太飽沒有點了。餐廳環境好大好寬敞，裝修有氣氛，好適合一大班朋友聚會。下次會再拖啲朋友過嚟，試下佢哋其他唔同嘅菜式。