帝樂德國餐廳 (Fashion Walk) (Closed)

最近香港舉辦美酒佳餚節，而同時間，德國啤酒節都不容忽視！帝樂德國餐廳推出了啤酒節通行證Oktober Pass，即日起至10月31號，可以以$250買一張啤酒通行證，可享用5杯0.5L嘅啤酒，啤酒種類繁多，有Hoegaarden® ，Hoegaarden Peach, BREWDOG，LOWENBRAU等等，平均$50一杯，儲齊晒五杯印仔，仲可以當$50現金券使用。當然德國美食都唔少得，今次餐廳都推出咗限定啤酒Menu：傳統德國麵包配啤酒芝士醬，自家製德國麵包，一口size，配上啤酒芝士醬德國啤酒芝士湯配大虎蝦，青口，煙肉先將西芹、蘿蔔等材料煮腍，再加入雞湯、德國小麥啤酒及芝士等調味，入口夾雜芝士鹹香和啤酒麥香。砵酒燴美國牛肋肉配燴紅椰菜及千層忌廉番薯砵酒味道香濃，牛肋肉肉質軟腍，微酸紅椰菜可解除油膩感，配上番薯香甜的味道。