德國佬餐廳

Open Now

Now Closed

去德國餐廳食嘢點可以唔飲嚟自德國嘅啤酒呢？坊間德國小麥啤嘅選擇比較少，而且一般嘅啤酒都係以Lager為主，其實麥啤味道都幾好㗎，就好似呢間餐廳嘅呢個牌子咁樣，麥味香，冇苦澀味，易入口，清香得來帶少少蜜糖嘅香味，其實以五十幾蚊一杯嚟講都可以話係物超所值，呢杯係500毫升黎嘅。飲得德國麥啤就梗係要配德國傳統食品啦，不過因為得我自己一個，食唔到德國豬手，所以就揀咗呢一個德國香腸拼盤。拼盤有一條德國卷腸仲有慕尼黑白腸，再加多一條辣辣地嘅德國香腸，其實一個人要食晒佢都有少少勉強，好彩有啲酸椰菜等到食嘅時候冇咁滯。