微辣大排檔 (Closed)

睇戲前係呢間新開嘅大排檔醫醫肚。大排檔都好大,置身當中,當過咗澳門一遊😂😂QR code 點餐,隨時翻查紀錄,方便永無甩漏。嗌樽維他奶懷舊一下先,蘋果汁冰凍酸甜,夏日解渴之選。🥤炸魚皮香脆無腥味,就咁食或浸一浸湯底都一樣好正!🐟超喜歡外面香脆,裡面鬆軟嘅奶油豬。呢個漢堡包用咗烤青椒、蕃茄片同生菜中和免治豬肉嘅油膩,酸酸辣辣吾錯。瑞士雞wing幾大隻,若果中間都入味,就更好啦😅自選車仔麵,有多種配料,梗有二三款啱口味。吸咗麻辣湯底嘅公仔麵,保持爽口質感,豬紅口感嫩滑,同蘿卜係孖寶。