飛甩BB茶去做野
當然要趁機食番個一人自在lunch
今日工作地點係海運大廈
趁有9個字時間食lunch走咗去同場嘅うまい鮨勘食壽司
一入去店員見我一個人就指咗我坐counter位
枱面set好哂餐具濕紙巾
雖然話就話日本嚟嘅正宗壽司
不過想要正宗おしぼり(抹手毛巾）相信有啲太高要求
Counter位睇到師傅做壽司
不過唔會好似日本咁佢企正你面前做
做完一件件放出嚟畀你（好啦，我唔係食Omakase唔可以太多要求)
睇完Menu
其實最想食嘅本來係炙り寿司セット
不過今次係想食呢間材料正唔正
就試佢最原原本本嘅壽司set
炙燒壽司留番食元氣時再食
等咗唔使10分鐘店員就出咗呢個極上壽司盛畀我
效率之高值得一讚👍🏻
Toro🍣係成碟壽司最好食嘅一件
不過要提一下個壽司飯有少少散
我細細力夾都即係斷開兩截
軍艦又係好易散
（10件有2件有散嘅問題）
另外三文魚籽我個人覺得有啲少😗
壽司材料尚算新鮮
不過除toro同海膽之外其餘都比較普通
總括嚟講其實都ok~
不過暫時短期都未必會翻兜🤔
