Café 100 by The Ritz-Carlton (Under Renovation)

以前減肥戒左食飯都一段時間，不過最近食返飯反而仲瘦左啵！而且仲唔會無氣無力添！​襯復活節，放幾日假就過黎Sky100嘅Ritz-Carlton試吓新出嘅煲仔飯丫！ 除左可以一邊享受我嘅美食，仲可以係觀景台欣賞香港嘅美景Sky100係世界十大最高嘅商廈之一嚟㗎！今日天氣比起早幾日已經晴朗好多，仲有好多影相打卡位添！唔好以為煲仔飯一定係好傳統嗰啲臘味煲仔飯，原來其他配搭都可以好正架！今日我就叫左我最鍾意嘅 雞皇飯配甜椒芥末白汁每一粒飯都吸收晒白汁，飯粒軟硬度剛好，再一口加埋滑嫩嘅雞塊同甜椒，味道配搭十分開胃。日式和牛飯配洋葱蒜蓉汁 好有日本嘅風味，和牛配小小甜嘅蒜蓉汁，加埋啲芝麻黑胡椒，味道好濃郁而且煲仔飯即叫即整，新鮮滾熱辣 套餐仲配埋飲品，可以茶、咖啡或汽水都得！ 我就叫左壺烏龍茶，慢慢食傾吓計，再飲下茶都係一種享受嚟㗎嘛！如果大家想睇日頭嘅風景加埋夜晚嘅燈飾，可以係5pm前黎到，咁就可以滿足你兩個願望！差唔多六點就會有燈飾睇㗎啦。