御前上茶 (Closed)

御前上茶一直都係我愛吃綠茶食品既御用食堂~~行街經過見到御前上茶推出期間限定既抹茶雪糕蜜瓜包，作為忠實粉絲當然要入去試下!雪糕既口味唔只得抹茶咁單一，原來仲可以選擇焙茶、豆腐或者雙色!雖然雪糕既口味多樣化，但我宜個抹茶控既選擇都係只會抹茶!店員端上抹茶雪糕蜜瓜包時，包仍然十分熱辣辣，雪糕好快就呈半溶狀態!果包大過拳頭，要食起上黎既時間有點不便…一大啖咬落去時，入面既雪糕傾倒而出!蜜瓜包質感偏硬，蜜瓜味唔太濃，但正好突出了濃濃既抹茶味!抹茶味濃郁而不苦澀，同時淡淡既蜜瓜味令整個包更有清新之感!