御名園 (Closed)

御名園有幾間分店，之前都有食過佢嘅海鮮中菜餐，龍蝦🦞好出色，今次同朋友再嚟試埋小菜套餐。我地叫咗《御•鮮薈》套餐 4人份。套餐包括：🥢沙薑豬手拼醬香小青瓜🥢御膳佛跳牆灌湯餃🥢XO醬碧翠炒蘭花蚌🥢孔門魚咬羊「淮陽浸釀海花斑」🥢去骨黑白胡椒燒鵝皇🥢紅茄鮮竹泡菜苗🥢乾煏金磗馬拉糕🥒🐽沙薑豬手拼醬香小青瓜沙薑豬手幾入味，豬手洗得乾淨無毛👍🏼 醬香小青瓜，醃到啲青瓜酸酸辣辣好開胃，啲青瓜超級爽脆！🥟御膳佛跳牆灌湯餃好足料，個湯有魚翅、海參、灌湯餃超大粒。🫛XO醬碧翠炒蘭花蚌荷蘭豆好爽甜，配上XO醬幾惹味。花蚌嘅鮮味令整碟菜更入味。🐏🐟孔門魚咬羊「淮陽浸釀海花斑」呢個菜式超特別，應該無咩地方食到！佢係魚肚嘅位置釀咗羊肉入去，呢道菜都幾考功夫。魚肉鮮甜，配上濃濃嘅羊肉味，味道好有層次！而且魚仲配上湯加疏菜，疏菜吸晒魚同羊嘅精華，好鮮甜！🪿去骨黑白胡椒燒鵝皇係無骨嘅燒鵝😍 燒鵝皮脆肉質嫩滑，比平時食開嘅燒鵝特別，佢有淡淡嘅黑白胡椒味。🍅🥬紅茄鮮竹泡菜苗用咗上湯煮，有蕃茄、鮮竹、木耳、芹菜，好健康嘅一道菜👍🏼🍰乾煏金磗馬拉糕馬拉糕個皮係脆嘅，入面就好鬆軟，又唔會太甜👍🏼