綠怡咖啡廳

Open Now

Now Closed

2022年夏天staycation第一擊，揀左較爲經濟既北角海逸酒店。Package包高級半海景客房/尊貴山景客房/尊貴海景客房 + 早餐 + 自助午餐，星期六入住價錢為$1485，早兩日先係Klook度book。入住後第二天免費於綠怡咖啡廳享用早餐 (早上七時半至十時) (供兩位用)。早餐並非自助餐，而係套餐。套餐非常失望，包好少野食，而且質素好差。羽衣甘藍田園沙律主要係生菜加粟米粒，連胡麻醬都得少少。羽衣甘藍要留意先見到一小片。鮮果乳酪奇亞籽燕麥杯係西瓜，蜜瓜，哈密瓜同菠蘿粒，得丁屎嘅乳酪。實在係太小家。水煮蛋兩隻配一塊火腿。多士同咖啡茶自助。多士開頭得一款白麵包，之後refill先有麥包同另一款白麵包。配有橙味同士多啤梨味果醬，同牛油。咖啡係咖啡機出品。首先Klook預訂時都無講早餐係套餐，就算係套餐都應該可以好d，肉都係得一塊火腿。如果早餐係咁，呢個staycation價錢就唔抵啦。真心無下次。