Video
Read full review
2015-06-08
1385 views
食物質素跟其他放題無異,味道與衛生尚算OK,所以不想多說如要選擇呢間嘢來食飯的話,請注意以下我所講嘅事實(唔知有冇人有同樣遭遇)我主要想講嘅重點係有關收費當日,中午時打電話訂座,接線員講:我地有2個時段,第1個係18點15分至20點15分係仲有位嘅,收費288蚊加1服務費;第2個係20點45分至22點45分,收費係288蚊加1服務費;另外如果以上時間都唔太好嘅話,可以隨便選擇2個鐘晚飯放題都係收費288蚊加1(基本上一樣)咁我就訂座5位當晚食19點半至21點半,而接線員都再重覆一次我所訂嘅人數5人,時間19點半至21點半,每位收費係288蚊加1確定無誤才收線當晚我同老婆提早些少上到去(唔想遲到),有一位阿叔在門口接待,佢見到我地二人就問我地有冇訂位,咁我就講訂左19點半至21點半嘅5位,佢問我齊人未,我答未齊人喎,咁佢就話未齊人都可以入去坐低等,仲可以食3個鐘架,我就問佢,可以食3個鐘咩?佢話得.....(但從來冇提過收費有異)19點35分我另外3個朋友都到齊啦,其間我食緊一隻大蝦刺身,兩手攞住蝦頭蝦尾,突然熜晒全埸嘅燈(喂!大老呀.成手都係.搞咩呀!)無啦啦有主持叫MIC話有人生日所
如要選擇呢間嘢來食飯的話,請注意以下我所講嘅事實(唔知有冇人有同樣遭遇)
我主要想講嘅重點係有關收費
當日,中午時打電話訂座,接線員講:我地有2個時段,第1個係18點15分至20點15分係仲有位嘅,收費288蚊加1服務費;第2個係20點45分至22點45分,收費係288蚊加1服務費;另外如果以上時間都唔太好嘅話,可以隨便選擇2個鐘晚飯放題都係收費288蚊加1(基本上一樣)咁我就訂座5位當晚食19點半至21點半,而接線員都再重覆一次我所訂嘅人數5人,時間19點半至21點半,每位收費係288蚊加1確定無誤才收線
當晚我同老婆提早些少上到去(唔想遲到),有一位阿叔在門口接待,佢見到我地二人就問我地有冇訂位,咁我就講訂左19點半至21點半嘅5位,佢問我齊人未,我答未齊人喎,咁佢就話未齊人都可以入去坐低等,仲可以食3個鐘架,我就問佢,可以食3個鐘咩?佢話得.....(但從來冇提過收費有異)
19點35分我另外3個朋友都到齊啦,其間我食緊一隻大蝦刺身,兩手攞住蝦頭蝦尾,突然熜晒全埸嘅燈(喂!大老呀.成手都係.搞咩呀!)無啦啦有主持叫MIC話有人生日所以熄燈搞氣氛.......真係,我攞住隻蝦2分鐘囉,連個碟都睇唔到...算數,
好啦,埋單21點半前,我地舉手都幾分鐘先有人到,最後收左我地每位338蚊仲要加1,我地緊係理論啦
佢話我地19:19入場,21點30分埋單,共計3個鐘,(喂!大老呀,係你叫我入去等都得喎,你大可以19點半先俾我入去丫,而家計我3個鐘價,我緊係唔俾啦,而且全程冇提過有3小時放題收費......),結果,我地報左警,搞左個幾鐘,經警察查證之下,我地找數計返288加1每位(即係5位共1584蚊),我問返阿SIR同佢其他職員點解咁樣,個職員話因為如果出錯左張單,要再出過張單嘅話會俾公司鬧同解釋.......(喂!大老呀,咁都得??唔係揾我黎搞呀?下話)
以上,千真萬確,大家要小心提防收多你冇得拗!!!
Other Info. :
注意你嘅入場同埋單時間就對啦!!無謂俾人老屈
(The above review is the personal opinion of a user which does not represent OpenRice's point of view.)
Post