Video
Read full review
2012-08-21
225 views
係長洲食過咁多次晚飯，從未試過可以差成咁，完全唔掂！話說時間尚早，去到唔駛等位，諗住ok啦，坐低點菜，點咗幾樣小菜同埋自攜三款海鮮比佢哋加工，咁我哋諗住叫啲菜啦，問今日有咩菜呀，侍應阿嬸竟然答我哋：『咪又係來來去去個啲，講到口水都臭埋』...我哋呆咗，第一次問佢有咩菜食呀，乜原來可以咁既態度架，做得咁唔願唔好做啦！跟住我哋算啦，諗住入來為咗食野啫，無謂搞到唔開心，我哋忍咗呀！到上菜啦，據聞呢間既雞話係好好味既，咁我哋呢啲胃食之人梗係叫咗啦，但點知來到既雞不外如是，完全無特別，仲要凍既，稻香既一蚊雞仲好過佢呀，完全唔明出名在哪裡？！椒鹽鮮魷完全無鮮魷味，淨係得啲粉團，簡直浪費咗啲鮮魷呀！仲要我哋自攜海鮮幾十蚊上落，佢竟然可以收超貴而無提供啲咩既油水費，鮑魚仔五隻($30)，純粹清蒸，佢竟然收五十幾蚊既油水費；花甲($60，一斤多少少)，油鹽水煮，來到唔覺有咩油鹽水喎，無粉絲底已經算啦，仲要係完全無味既，佢竟然可以收七十幾蚊既油水費，真係好野呀；另一樣海鮮係豉椒炒蜆($30，一斤多少少)，呢個味道都算ok，都係收五十幾六十蚊既油水費。其實我哋都叫咗好多野下，連自己叫咩都唔係話記得好清楚，總
話說時間尚早，去到唔駛等位，諗住ok啦，坐低點菜，點咗幾樣小菜同埋自攜三款海鮮比佢哋加工，咁我哋諗住叫啲菜啦，問今日有咩菜呀，侍應阿嬸竟然答我哋：『咪又係來來去去個啲，講到口水都臭埋』...我哋呆咗，第一次問佢有咩菜食呀，乜原來可以咁既態度架，做得咁唔願唔好做啦！跟住我哋算啦，諗住入來為咗食野啫，無謂搞到唔開心，我哋忍咗呀！
到上菜啦，據聞呢間既雞話係好好味既，咁我哋呢啲胃食之人梗係叫咗啦，但點知來到既雞不外如是，完全無特別，仲要凍既，稻香既一蚊雞仲好過佢呀，完全唔明出名在哪裡？！
椒鹽鮮魷完全無鮮魷味，淨係得啲粉團，簡直浪費咗啲鮮魷呀！
仲要我哋自攜海鮮幾十蚊上落，佢竟然可以收超貴而無提供啲咩既油水費，鮑魚仔五隻($30)，純粹清蒸，佢竟然收五十幾蚊既油水費；花甲($60，一斤多少少)，油鹽水煮，來到唔覺有咩油鹽水喎，無粉絲底已經算啦，仲要係完全無味既，佢竟然可以收七十幾蚊既油水費，真係好野呀；另一樣海鮮係豉椒炒蜆($30，一斤多少少)，呢個味道都算ok，都係收五十幾六十蚊既油水費。
其實我哋都叫咗好多野下，連自己叫咩都唔係話記得好清楚，總之成枱都係野啦！(呢個係我哋既失策)，但佢哋最過份既係佢哋自己搞錯單，放咗碟野落我哋張枱，因為成枱都係野同埋大家都掛住食啦，無為意係咪我哋叫既；跟住原來係隔離枱叫既，呢個真係一個不知所謂(長頭髮中等身材)既侍應小姐，竟可以亳無禮貌同埋完全無唔好意思，就咁一句講話呢碟野放係你哋張枱，幫你加返單，完全無得到我哋既同意，佢自把自為自己加我哋一碟錢喎，實在太過份呀！有咩理由佢哋自己既出錯要做客既承受呀，真係離晒大譜呀！
呢間野完全食唔過呀，以後都唔會再幫襯呀！
Post