呢個飯叫炭燒漢堡蛋蓋飯
酸蘿蔔唔知變壞左定咩，係嘔吐物味
重點係漢堡竟然都係酸既，真係未食過酸既漢堡，一路食一路諗緊係咪變壞左，心諗唔通佢落左啲泡菜，但再食真係頂唔順覺得似變壞左
打左去餐廳問
我：你地個漢堡本身係咪酸？
佢：下唔係呀，我地即日解凍架喎
我：但我食到係酸喎，似變壞左喎
佢：咁我下次補返個飯俾你
我：下，但你地個飯壞架喎，我想你地退返錢俾我
佢：咁你落黎
落到去，我話黎退返個飯，佢掉低啲錢俾我就走開，一句唔好意思都冇同我講過，我話你駛唔駛聞下，佢話唔駛，我話叫佢同廚房講啲漢堡壞左，酸既，唔該掉哂佢啦！佢話好呀，就走開，全程冇望過我
以後唔會再黎食，雙餸飯我都唔怪佢，但而家60蚊個飯竟然可以係壞既，仲要態度勁差！
