潮州仔食堂

多次經過，一直以為佢係打冷店，因為叫潮州仔 而且外面望入去好暗
終於有一次停低望吓門口餐牌，咦，原來係食粉面㗎喎！仲要有豬什？

1

一入去原來都唔少人
落單要咗碗白胡椒湯豬什王米粉$63

講真一嚟到係聞到浸怪味（我諗係雜都有呢種味）
一飲啖湯不得了好好味！如果可以再辣啲仲好
啲豬什望落去非常乾淨，食得好放心！
而且種類好多..最令我驚喜係豬黃喉
牛就食得多 第一次食豬嘅黃喉

出邊仲有自助拌菜拎只限堂食㗎咋

好食到一星期食咗兩次
不過始終食內臟都唔太健康唯有少食多滋味啦！