Video
Read full review
2015-08-27
200 views
我地呢D"無飯"煮婦, 飯都無又何來湯水呢!! 所以大人成日投訴好dry, 同同事講開, 佢屋企附近有間專賣"無味精"湯既小店, 而且仲有飯食, 今日又幫公司做速遞黎大角咀, 一於收工順便黎試下. 同事講左響新九龍廣場後面, 所以好易搵到"湯品小棧".入到去鋪頭唔算好大, 得幾張枱, 不過好乾淨光猛.廚房細細, 兩位姐姐又做侍應又做廚房.睇下有咩湯飲先, 原來有個炖湯套餐, 可以選炖湯一款, 仲有配菜&主食.仲有撈米線套餐, 不過呢款就無湯飲.最後每人叫一個炖湯套餐, 幾款配菜一齊食."茶樹菇"湯($30), 睇落清清地但一啖入口個味幾濃, 好香菇菌味, 湯料有一支支既茶樹菇, 吸收晒湯既精華食埋更加補. 個湯功效係益氣開胃, 增強免疫, 呢樣真係啱晒我."松茸"湯($34), 呢個相對茶樹菇個味比較清, 但有湯水既甜味, 湯料有松茸同紅蘿蔔絲, 配搭唔錯.個湯功效係補賢強身, 理氣化痰, 呢樣啱大人.兩個炖湯都好夠熱, 一飲成個人都慶晒, 真係好行氣活血. 而且無味精, 一D都唔覺口乾.主食要左米線($4), 米線幾彈牙, 雖然無湯但唔覺好乾.配料要左台灣水餃5隻($12), 料有豬
同事講左響新九龍廣場後面, 所以好易搵到"湯品小棧".
入到去鋪頭唔算好大, 得幾張枱, 不過好乾淨光猛.
廚房細細, 兩位姐姐又做侍應又做廚房.
睇下有咩湯飲先, 原來有個炖湯套餐, 可以選炖湯一款, 仲有配菜&主食.
仲有撈米線套餐, 不過呢款就無湯飲.
最後每人叫一個炖湯套餐, 幾款配菜一齊食."茶樹菇"湯($30), 睇落清清地但一啖入口個味幾濃, 好香菇菌味, 湯料有一支支既茶樹菇, 吸收晒湯既精華食埋更加補.
個湯功效係益氣開胃, 增強免疫, 呢樣真係啱晒我.
"松茸"湯($34), 呢個相對茶樹菇個味比較清, 但有湯水既甜味, 湯料有松茸同紅蘿蔔絲, 配搭唔錯.個湯功效係補賢強身, 理氣化痰, 呢樣啱大人.
兩個炖湯都好夠熱, 一飲成個人都慶晒, 真係好行氣活血. 而且無味精, 一D都唔覺口乾.
主食要左米線($4), 米線幾彈牙, 雖然無湯但唔覺好乾.
配料要左台灣水餃5隻($12), 料有豬肉, 皮夠薄而且唔硬.
鹵排骨($8)+時菜($5), 排骨都幾入味, 而且都幾多肉, 菜夠新鮮夠綠.
鹵豆乾($5)+燉蘿蔔($5), 兩樣都好大件, 豆乾鹵得唔會太咸, 燉蘿蔔好入味夠腍, 好正.
仲有蛋怪大人要既溏心鹵蛋($7)+花雕醉蛋($7), 鹵水都幾入味, 不過我覺得花雕果隻好味D, 因為真係好重酒味.
仲加埋"羅漢果雪梨茶"($8), 蘋果山楂蜜棗茶($8), 呢兩樽都甜甜地, 清清地, 好解渴.
整體飲完個湯好滋潤, 好舒服, 而且第二日排毒好暢通, 所以飲真材實料既湯係最好.Post
