立体派拉麵 (棉登徑) (Closed)

週五晚上，唔想又喺屋企自我隔離，簡單出去食個拉麵。立體派號稱得獎過江龍，見有優惠，依家揸車又唔慌塞車，一於試吓。入去見裝修簡單明亮，幾舒服。張檯好細，店員都好貼心地拼多一張檯俾我地。菜單簡單，冇乜懸念，就食招牌白湯拉麵。來了一點小吃。大根一般，菠菜清新。雞翼我無食到，據少奶形容非常正！大有附近的名古屋雞翼風味。拉麵好好好大碗。碗固然大，材料亦豐富。首先一定要試湯頭。唔⋯⋯ 點講呢？又唔係好特別出色。食到雞湯味，唔算好濃郁。溫泉蛋好味（好味到我追加了）、叉燒沒有如介紹般厚切。係好薄的，不過好大塊，肥肉頗多。麵身無乜味，但咬口不錯。埋單有優惠 $350。合理啦。快手揸車返屋企。多謝收看。