立体派拉麵 (棉登徑) (Closed)

一向都知尖沙咀棉登徑有好多正宗地道嘅日本餐廳，作為日本料理嘅fans又點可以錯過呢！今日難得早放就同阿媽一齊泥食，夜晚七點半泥到，算太多人，可能平日，唔洗等就入得！店內裝修好有日式木系拉麵店，感覺如置身於日本咁。見到主打黃金味噌拉麵係獲獎，都只係$138必點，屬於每日限定既拉面。間野既拉麵全部都好大碗，配料辣肉碎都好多，湯底以免治豬肉、蒜頭、醬油、砂糖同埋牛奶煮成，甜中帶辣，有少少擔擔面既感覺，好特別，叉燒肥中帶瘦，仲有好岀眾既福袋，平時拉麵好少見，咬開入面係豬肉碎同葱，包住好多湯汁，很惹味！另一碗要左鯖魚湯鮮茹海蝦拉面，又係好足料，好大碗！有六塊紫菜附上一齊食，好脆口，好体貼係海蝦大大隻另上，咁保留住蝦既鮮味，湯底好清香，好好飲。小食要左餃子同雞翼，覺得雞翼真係要試外脆內軟，好食推介！