粒粒果甜品 (Closed)

同朋友食完飯去食甜品，朋友話有間推介我地去，就跟佢黎左呢度啦！睇餐牌啲相都已經好吸引！超靚！超特別，唔同一般食開既甜品榴槤星球椰汁西米唔係特別，特別在佢個榴槤啫哩球！！圓碌碌！好光滑！咬落去一陣陣既榴槤味漂出黎！口感同視覺都一流！士多啤梨窩夫有兩球雪糕，一球係底，墊起窩夫。雪糕好甜，好香士多啤梨味！窩夫鬆軟，外脆，夾埋雪糕同士多啤梨食，一流，好味！窩夫送earl grey茶芒果之戀好靚呀！未見過甘靚的飲品！廚師好有心機，個圖案好靚！打卡相一流！味道都好得！好濃既芒果味，又唔會太甜，個底有蘭香籽，有口感又健康！瑞士汁雞翼超超超入味！甜甜地，又香，熱辣辣，好多汁，超好食！牛奶小方細細粒好得意。小方有濃厚的牛奶味，而職員亦很貼心將椰絲另上。我地可以因應自己的口味去落椰絲。點上椰絲後，小方的味道會更佳。呢度既甜品都整得好靚，好有心思，又有特色！尤其是星球啫哩同”拉花”！價錢唔貴，一定會再黎！正！