Video
Read full review
2025-06-07
148 views
早幾日去咗銅鑼灣一間隱世拉麵店，比佢店舖出邊嘅mofusand decoration 吸引左，作為貓控係好難錯過既除咗食貓貓主題拉麵之外，幫襯完可以買埋精品，好似Tote Bag, 精美木製扣針，拉麵碗及湯匙都係平時用得到精品售賣期去到30/6店舖裏面以木色為主，牆上面或玻璃窗都會見到Mofusand嘅蹤影，係好cute牛奶拉麵以為會係甜到漏嘅牛奶糖水味道，佢用上北海道3.6牛乳打底，加入秘製雞白湯，濃得嚟唔膩，飲落去似忌廉蘑菇湯煮成嘅拉麵，算幾有驚喜材料用上日本叉燒，豬軟骨，食落好軟腍，仲有半熟流心蛋拉麵質地軟滑，索曬牛奶湯底嘅味道特製咖喱撈麵 一上枱就聞到陣邪惡咖喱香，有好得意嘅Mofusand貓貓魚片，將底層嘅咖喱汁撈勻，帶少少微辣呢個Set 餐配有炸物拼盤，有唐揚炸雞，炸蝦、溏心蛋🐙章魚燒粒粒飽滿，外皮金黃脆口，輕輕咬開食到爽口章魚粒，配合燒汁同木魚絲零舍好味 飲品特製士多啤梨椰果梳打 飲落去飲到有士多啤梨果肉！唔係藥水糖漿味，有淡香士多啤梨味，每啖飲落去都咬到有粒粒椰果，甜度剛剛好特製白桃烏龍奶茶 面頭嘅貓貓係棉花糖，烏龍茶底濃厚，再慢慢散發出淡淡嘅桃味，白桃同烏龍都幾夾，可
除咗食貓貓主題拉麵之外，幫襯完可以買埋精品，好似Tote Bag, 精美木製扣針，拉麵碗及湯匙都係平時用得到
精品售賣期去到30/6
店舖裏面以木色為主，牆上面或玻璃窗都會見到Mofusand嘅蹤影，係好cute
牛奶拉麵
以為會係甜到漏嘅牛奶糖水味道，佢用上北海道3.6牛乳打底，加入秘製雞白湯，濃得嚟唔膩，飲落去似忌廉蘑菇湯煮成嘅拉麵，算幾有驚喜
材料用上日本叉燒，豬軟骨，食落好軟腍，仲有半熟流心蛋
拉麵質地軟滑，索曬牛奶湯底嘅味道
特製咖喱撈麵
一上枱就聞到陣邪惡咖喱香，有好得意嘅Mofusand貓貓魚片，將底層嘅咖喱汁撈勻，帶少少微辣
呢個Set 餐配有炸物拼盤，有唐揚炸雞，炸蝦、溏心蛋
🐙章魚燒
粒粒飽滿，外皮金黃脆口，輕輕咬開食到爽口章魚粒，配合燒汁同木魚絲零舍好味
飲品
特製士多啤梨椰果梳打
飲落去飲到有士多啤梨果肉！唔係藥水糖漿味，有淡香士多啤梨味，每啖飲落去都咬到有粒粒椰果，甜度剛剛好
特製白桃烏龍奶茶
面頭嘅貓貓係棉花糖，烏龍茶底濃厚，再慢慢散發出淡淡嘅桃味，白桃同烏龍都幾夾，可以媲美出面嘅水果茶
三色芭菲
頂層係三種味嘅雪糕，抹茶，士多啤梨，芒果味，最好味係抹茶，再配合各款水果去點綴，哈密瓜幾鮮甜
底層係厚身蛋糕配忌廉
Post
