浪人日本料理 (Closed)

舊同學話約食飯，點知話突然之間有事要放飛機……好彩有老公接收，帶我去公司佢公司附近食好西。咁我都唔同佢客氣，來個季節魚刺身先金目鯛金橙色的魚皮本來已經好奪目，經過火炙，賣相更加吸引！切得幾厚身，幾好口感。油甘魚最重魚味，池魚的味道清新鮮甜。京蔥牛舌京蔥牛舌，簡直係人間極品！醬汁好香濃，洋蔥同埋京蔥兩的味道發揮得淋漓盡致，令到醬汁吸收到佢哋嘅精華，牛舌切到一細塊一細條咁，同洋蔥或者京蔥可以一齊食，口感同味道更豐富，上面更加有啲蔥花，除了點綴的功用，亦令到牛舌多一點青香。味噌豚肉鍋味噌湯味濃當然係預料之中，但係呢個味增湯多了一份濃郁的鮮甜，鹹味反而唔太過，同想像之中不一樣，但係都好惹味，豚肉的厚度剛剛好，薄咗又會冇口感，厚得滯又會覺得肥膩。上連少少豬皮，幾好趙口。舞茸醬煎蠔呢一個精緻嘅煎蠔，係我全晚之中最喜愛的一道菜，蠔十分之大隻！外面煎得香，裏面仍然好滑好juicy，下面的那塊東西一點都不簡單……係一塊蘿蔔來的，咬落去蘿蔔汁竟然帶有蠔味，而且呢份蘿蔔外面仲有一片薄薄的煙煙韌韌的皮包裹着， 令口感更有層次，周邊仲有極之滑而且味道濃郁嘅舞茸汁，連埋蠔一齊食，味道更加昇華！原條喜之次一夜干好開