今日去開呢頭做嘢，諗住求求期期食個lunch！見到呢間台式餐廳裝修得幾精緻，好文青、又可愛❣️就決定入去試一試！
Lunch Menu都有幾多選擇，價錢唔算話好貴！
我就揀咗個【香酥雞排】配白飯
諗住穩穩陣陣，應該唔會難食得去邊！
嚟到個賣相都幾靚仔👍🏻有晒配菜，成個定食咁！胃口頓時大開～
點知一食，um...啲米硬硬哋唔夠熟嘅...😖
好啦，就當我唔好彩...
但再食啲餸同埋配菜，哇！個海帶喊到癲🤢
心諗：咁靚嘅環境同裝修，食物嘅擺盤都咁靚，但就毁晒係啲食物上面...最簡單直接嘅解決方法應該就係換咗個廚師🤣
希望遲啲再嚟食會有改善啦！
