Video
Read full review
2010-08-03
53 views
太興，一個新派燒味檔，一改以前傳統格局同裝修，行一啲前衞進取既方向發展 ﹗太興啲燒味我都好欣賞，我一向都唔太喜歡叉燒，只有一兩間燒味我會食佢，太興係其中一間。十幾年前我係廣東既 fans，但依家佢地啲出品真係好唔掂。其實太興好多選擇，但每次都係食燒味飯。奇怪地，係太興堂食係超好食，但一外賣返屋企食啲味道同口感都差好遠，到底係咁巧合？係黑仔？定係餐廳既市場手腕呢？十二點幾未到已有人等緊位，好采只係等三四張，可以啦。叫我地號碼喇喎，但要搭枱，我當然唔制啦，寧願等多陣。又再叫我地號碼喇，我好似中奬咁滿心歡喜跟住個侍應，一望到張枱時，我面色一沉，心諗我等咁鬼耐居然比張摺枱我 ﹗比張迷您方形摺枱我 ﹗有無搞錯呀 ﹗我用左約十秒鍾舒緩我既情緒，照坐。硑究吓個 menu，坐左幾分鐘野都未叫，見後面寬倘既卡位啲人走喇喎，我就即刻問侍應可以轉枱，佢就問用對講機問門口位同事，答我話會嘗試安排，我就話唔緊要，算啦。但我當時感到心底裡面已起起地火，面有難色。我朋友就即刻用重一點既語調駁落去話，我地等咁耐都係想坐得舒服啲咁食野 ﹗可否依家就轉比我地呀 ？侍應諗左半秒，就話無問題就依家轉啦。係依件事上面我發現我應
太興啲燒味我都好欣賞，我一向都唔太喜歡叉燒，只有一兩間燒味我會食佢，太興係其中一間。十幾年前我係廣東既 fans，但依家佢地啲出品真係好唔掂。其實太興好多選擇，但每次都係食燒味飯。奇怪地，係太興堂食係超好食，但一外賣返屋企食啲味道同口感都差好遠，到底係咁巧合？係黑仔？定係餐廳既市場手腕呢？
十二點幾未到已有人等緊位，好采只係等三四張，可以啦。叫我地號碼喇喎，但要搭枱，我當然唔制啦，寧願等多陣。又再叫我地號碼喇，我好似中奬咁滿心歡喜跟住個侍應，一望到張枱時，我面色一沉，心諗我等咁鬼耐居然比張摺枱我 ﹗比張迷您方形摺枱我 ﹗有無搞錯呀 ﹗我用左約十秒鍾舒緩我既情緒，照坐。硑究吓個 menu，坐左幾分鐘野都未叫，見後面寬倘既卡位啲人走喇喎，我就即刻問侍應可以轉枱，佢就問用對講機問門口位同事，答我話會嘗試安排，我就話唔緊要，算啦。但我當時感到心底裡面已起起地火，面有難色。我朋友就即刻用重一點既語調駁落去話，我地等咁耐都係想坐得舒服啲咁食野 ﹗可否依家就轉比我地呀 ？侍應諗左半秒，就話無問題就依家轉啦。係依件事上面我發現我應該處事要更有自己既立場 ~ 好多事都係我掌握中，係何以改變架 ﹗
燻蹄叉雞飯，叉燒香甜、燻蹄腍滑、雞胸都算滑溜且雞味濃，燒味豉油香，撈飯一流，飯夠乾身又唔黏口，好味 ﹗蔥油帶好強烈既花生油味，唔太喜歡。如果係燻蹄度加點麻油會更香，同埋如果係淅醋度落啲生蒜米，味道好更出，會越食越想食 ﹗
冰鎮奶茶，十幾廿歲時都日日飲奶茶，近年都大多飲齋啡喇，但係依度啲奶茶真係好滑好滑，茶同奶同糖既份量配合得非常好，而且冰鎮唔好令到杯奶茶越飲越淡，而且仲可以保持溫度。傳聞依種方法係太興首創？唔知係咪呢。
滑蛋蝦仁會烏冬，似乎啲蛋少左啲喎，個芡汁就勁多。啤水明蝦，勁爽，但不太自然。味道幾濃，雞粉味精搭夠。烚烏冬，幾好啦，都無太過火，算幾好喇。
Post
