職員好細心問我地食唔食得辣，之後介紹咗有咩好食！
“勁香脆鮮肉漢堡”肉餅整到外面脆卜卜，裡面就very juicy，加埋馬蹄夠哂爽口，個仔食到唔停得口，我食咗一啖都俾佢搶返，哈哈！
“家鄉酸辣豬面肉”我就配咗米線，再貪心加埋腸仔、魚蛋，諗住同個仔一齊食，好惹味嘅，豬面肉有小小咬口，肥肉唔會油膩太，呢個小小辣都足以令我好似游完水上水咁，食辣壇數真低！
“麻辣燙”太座壇數高可以大快朵頤，佢點咗好多餸，牛肉、雞肉、龍蝦丸、豬膶.....，辣得佢好滿足！
總結係一間唔錯嘅小店，人情味和香辣味道不相伯仲！
