元札幌拉麵 (宇晴軒商場) (Closed)

聽講荔枝角有間幾抵食嘅日本菜，原來都幾有居酒屋嘅feel，而且嘢食都好多，唔係剩係得拉麵，所以今次就試吓啲唔係拉麵嘅食物。極上雜錦魚生飯定食$128裏面有各式各樣嘅雜錦魚生，包括三文魚，吞拿魚，油甘魚，北寄貝，八爪魚，蟹籽等等嘅刺身食物，口味都算幾新鮮，表面亦都加上左一啲芝麻同海帶，令口感味道變得更豐富。配白飯，酸蘿蔔，沙律，茶碗蒸及味增湯 沙律上有d裙邊，鹹鹹地甜甜地好開胃，而且口感有啲彈性，配搭嘅沙律菜就比較爽口。茶碗蒸方面口味偏甜，不過質感好滑，而且有多款配料包括冬菇，鳴門卷及雞肉，都好豐富。