Wing’s Kitchen (Moved) New Location

自己經常都會在太子一帶出沒，唔敢講係地膽，不過老友問我有乜餐廳好食又唔會背脊頂背脊嘅地方介紹，又點會難唔到我呢？😬祗要你行多兩步，係近深水埗方向嘅柏樹街，就有間好特色嘅餐廳Wing’s Kitchen，睇門面就已經知道零捨不同啦🤗其實地鐵站行過嚟都唔使2分鐘，不過好多人就淨係識得喺始創中心嗰邊搵嘢食，唔係個個都識得捐窿捐罅搵好野😬店內裝修好型，好有格調，紅磚牆、透光玻璃木槢門，好有歐陸風味，又不做作，簡潔舒服😌無論午餐、晚餐的推介，都有多款選擇，價錢定位極親民，好似今日嘅精選晚餐，都係百零蚊已經有交易👍🏻沙律🥗前菜新鮮爽口，煙三文魚十足魚味，開胃醒神！香煎海鱸魚🐟配黑松露忌廉汁，海鱸魚size比預期中大好多，外皮香脆，魚肉嫰滑好味，好夠味，旁邊嘅薯蓉又滑又香，好滿意👍🏻西冷牛扒配黑椒紅酒汁8安士，目測應該超過8安士，厚度適中，完全做到煎封外層鎖住肉汁的效果，輕輕切開，肉嫰粉紅，好夠肉味又無渣，鍾意食牛嘅一定不可以錯過👍🏻就算甜品都唔會馬虎，呢個士多啤梨🍓焦糖燉蛋，蛋香味好夠，上面嗰片焦糖，甜甜的，好Sweet💕食甜品個人都開心啲😬喺呢度輕輕鬆鬆，坐得舒服，食完野兩個傾吓計，欣賞下呢度嘅