我地一人叫左一個午市套餐，好豐富~有個粉，有小食同飲品！
老公點左生牛肉湯河，睇個樣就好唔錯啦，但係唔想食親都係哩個咁,所以我今次點左個
"檳更"─豬手蟹肉濃湯檬。個湯好濃好正呀，好重蕃茄味，我食下食下好味到啲餸都差啲唔記得加落個粉度食呀，不過好快就見飽囉，因為個份量都幾多嫁；
小食我叫左
春卷，我鍾意佢有塊生菜可以包住食呀，因為無咁膩~而且個皮好薄好脆；
我仲叫左個
酸辣無骨雞爪，好鍾意食哩啲酸酸辣辣味，不過我覺得佢啲汁唔夠多囉，所以想食埋啲菜但係食到尾又無味囉！
我老公最欣賞嘅就係佢地嘅
滴滴咖啡啦，因為佢地個杯除左加左煉奶之外，仲自家加左啲靚淡奶，所以我老公特別鍾意飲佢地個咖啡就係咁嘅原因啦！
