八月堂 (Closed)

本身對於可頌沒有太大興趣，不過呢間台灣過江龍來勢洶洶,所以經過就試下佢既真偽。一開頭諗住只係試雪花檸檬,點知見到期間限定既蘋果可頌,就俾"期間限定"4個字吸引住。最後買左一個蘋果可頌一個雪花檸檬。先講下蘋果可頒，其實有D SURPRISE佢D果肉係凍既,本身以為會好似蘋果批入面D料咁。個可頌整體味道好好,唔似平時個D牛油味太重,只係本人覺得如果D蘋果料係熱的話可能會更好。比起蘋果可頌，我較為欣賞雪花檸檬，因為食落完全唔怕膩,同個檸檬味好夾,上面個D檸檬ICING 完全唔會太甜,中意酸酸甜甜既朋友必試。