漁屋日本料理 (荃新天地2) (Closed)

終於有機會食到漁屋，每次經過荃灣度見到很多人，今次一試果然冇令我失望!首先，刺身種類比較多，試左大部份都十分新鮮!!! 特別推介三文魚, 很厚切, 肥脂均勻,誠意十足!帶子: 無沙, 大件爽口, 鮮甜,正!!嗌左3 ROUND都依然保持到新鮮甜蝦:勁多膏, 肉質通透,清甜,無死蝦味,味道一流,但SIZE 就細隻左少少除此之外，首次看到放題有蟹黃羹，配料好多,有芫茜,有冬菇,有金菇,有素翅,加埋1齊有口感亦清新,唔係間間放題都有得食架!燒雞翼: 竟然是全翼!! 讚 !! 皮脆肉嫩,燒得剛剛好,多肉汁,醃料較得入味,唔會鹹死人,本人食了3隻!飲品方面，除了各式罐裝飲品外，也有日本清酒及梅酒，兩款我也點了，清酒有凍有熱，兩款也很正宗, 酒精濃度剛好,夠清甜, 而且唔使再加錢,好酒一族至愛。但梅酒偏甜,試唔到梅的味道,女士們應該易接受。埋單後竟然有movenpick雪糕一盒，當日有3種口味,朱古力味似乎最好,濃味亦唔會無曬奶味！但個人覺得太甜,都係覺得太重奶味了。漏單情況機乎無,唔會催你快快埋單,整體都滿意,唔怪得次次都咁多人幫襯。