鳴門魚市場居酒屋 (Closed)

之前食過刺身方面ok，朋友俾咗優惠券，只限晚市用，諗住今次試吓其他嘢，點知就瀨晒嘢。一入咗之前佢就已經問定我哋係咪用優惠券，唔知係咪因為咁嘅關係，食物質素特別差。今次我哋叫咗叫咗咖喱烏冬，啲汁係一兜黃色冇味嘅水，非常失望。仲有雞翼同牛舌串燒，又乾又冇調味咁樣，唯獨天婦羅係正常質素，所以建議大家下次叫熟食嘅時候要小心選擇。冇諗過平時好多人排隊有咁有質素嘅餐廳會變成咁，定抑或是其實佢嘅熟食不嬲都唔掂呢？但係冇咩必要我都唔會再試啦。