市川日本料理 (Closed)

前排同d外國同學聚舊..搵左又一城依間日本餐..見佢門面咁靚d服務應該唔差啦..首先我地話左有7個人想坐得舒服..唔想太逼點知個老女黑衫帶左我地去6人枱..再加一個位係外邊..好似開會咁..頂佢吔!!我好不滿啦.問有冇大呀?...點知佢話"你地坐唔坐架~唔坐就出去排過隊~7人係咁大啦"我d朋友唔想周圍再搵餐廳..話算啦..咁落單時我地7人各自order啦..個位男黑衫d語文能力真係差~我兩個外國朋友用英文order竟然唔識..要我地翻譯..另外兩個國內朋友用國語佢又唔識..有冇搞錯着得黑衫"兩文三語"淨係識廣東話..有冇再差d呀..咁終於落完order等食啦..我地order左 兩客魚生飯 兩客天婦羅定食 兩客鐵板厚燒餐 一客燒鯖魚定食估都估唔熟食仲快過魚生飯..同個男黑衫講..佢話要等一等..等了又等..都唔知佢有冇幫我地跟..淨係同老女黑衫吹水..等左幾耐先有魚生飯食..其他朋友食左個餐一大半..咁食完埋單..兩位外國諗住搵老女黑衫投訴..點知原來佢d英文都係咁差!!!總結:食物 - 除左魚生飯..其他都幾好食!!環境 - 好逼..唔舒服!!服務 - 差得緊要!!d黑衫都做唔到野!