為左懷緬下係日本既感覺
所以每個月都要抽番幾日去食日本菜
但正值月尾要慳住洗,
所以平食呢間日本拉麵
個餐牌好得意, 係報紙既版面,
一打開見到林林總總既拉麵,
有牛油拉麵, 魷魚拉麵, 芝士拉麵, 辣豚肉拉麵 等等,
好多好特別既款揀,
而我揀左個芝士拉麵
都幾大碗
而所謂既芝士拉麵真係就咁有塊芝士係面
麵既口感都唔錯, 爽口
個湯底就好普通, 唔太吸引!
有大概三至四塊叉燒, 叉燒香甜,
薄切叉燒, 有少少入口即溶嘅感覺
仲加左10蚊轉做套餐
有碗勁難飲既麵豉湯, 飲左一啖就放棄左!
仲有個蟹柳沙律, 只不過係將條蟹柳加幾塊生菜
之後擠D沙津醬係面, 味道叫做OK, 可以擺入口!
朋友們仲叫左辣豚肉拉麵
佢話唔錯, 但唔夠辣!
另外仲有一個火焰炸花枝拉麵
好用心咖, 係上既時侯, 職員會黎淋小小酒係面, 之後點火
咁就形成左個「火焰拉麵」, 好靚
但係呢個拉麵係真真正正好睇唔好食!!!
試左舊魷魚, 好大舊, 但炸得好難食,
炸粉還炸粉, 魷魚還魷魚!
D魷魚勁難咬!
加上浸埋係湯度, D炸粉浸到淋哂, 真係好勁難食!
朋友仲話D麵加左酒之後, 好似有陣梘水味!
甜品係雪糕糯米滋, 唔會難食啦!
火焰炸花枝拉麵係會送一小瓶日本清酒, 唔洗錢,都叫唔錯!
環境都幾舒服幾別緻
但感覺麻麻地乾淨,
因為D調味料樽好污糟好油!
服務態度就一般
價錢每人大約100蚊
但總結黎講我諗我應該唔再食呢間嚕
