Video
Read full review
2015-08-31
416 views
雖然係地圖望落去餐廳好似離地鐵站有啲距離，但原來五分鐘真係可以行到去！可是幫襯嘅日子落滂沱大雨，幾經辛苦先去到餐廳。食物嘅選擇唔多，但最緊要係貴精不貴多！完全冇諗過＄58嘅意粉會有餐湯跟，雖然係好普通嘅西蘭花忌廉湯，但絕對唔馬虎，都算幾creamy.個長通粉比我想像中突出，個醬調得好惹味，濃烈嘅番茄味之中帶少少辣，十分開胃。個all day breakfast 超級豐富，已經冇叫最誇張嗰個款式，但依然有好多款食物，仲要好多都係打孖上，份量超級足夠！個薯餅同香腸尤其出色好味，蛋亦都炒得幾嫩滑。唯一不足嘅係個漢堡扒，太過乾。個士多啤梨醬搽麵包一流。當然不得不提依度嘅招牌沙冰，就咁睇個樣就好吸引。熱情果嘅味道淡淡地，感覺好舒服，而且份量幾多，可以飲足一餐。環境舒適，唔會太嘈，仲要星期一至日嘅dinner都有得book位，應該好快會再嚟幫襯啦！
完全冇諗過＄58嘅意粉會有餐湯跟，雖然係好普通嘅西蘭花忌廉湯，但絕對唔馬虎，都算幾creamy.
個長通粉比我想像中突出，個醬調得好惹味，濃烈嘅番茄味之中帶少少辣，十分開胃。
個all day breakfast 超級豐富，已經冇叫最誇張嗰個款式，但依然有好多款食物，仲要好多都係打孖上，份量超級足夠！個薯餅同香腸尤其出色好味，蛋亦都炒得幾嫩滑。唯一不足嘅係個漢堡扒，太過乾。個士多啤梨醬搽麵包一流。
當然不得不提依度嘅招牌沙冰，就咁睇個樣就好吸引。熱情果嘅味道淡淡地，感覺好舒服，而且份量幾多，可以飲足一餐。
環境舒適，唔會太嘈，仲要星期一至日嘅dinner都有得book位，應該好快會再嚟幫襯啦！
Post
