蘭香茶餐廳 (Moved) New Location

好多人都會因為嘉樂無位，見佢近近地轉過嚟食。咁近兩間餐廳，點都會比較下，尤其是排唔到嘉樂嘅失望會唔會去到蘭香有番希望呢。唔係話叫蘭香定位做執二攤，跟人哋做大奄列，大蛋治，但都真係唔好咁Hea做。茶記一般水平嘅餐都要成$40，仲要係唔大份。有小動物作伴嘅環境，咁嘅食物水平，真心覺得貴同唔值。古早味嘅服務態度，即係大大聲果啲，覺得有小朋友入嚟係阻咗佢個位果種，佢又唔會夾硬叫你叫多份餐，但叫幾多個餐就幾多份餐具，2大2小叫3個餐就3份餐具，叉都唔主動比多支咁囉，當然，開聲一定會比。明顯對熟客親切好多嘅，不過熟客都係由生客慢慢儲落嚟㗎遮，又或者佢哋熟客夠多唔至在生客啦。