亞萊泰 (T Town North)

Open Now

Now Closed

沙爹牛肉炒蛋包配薯條沙爹醬花生味淡咗啲，牛肉一般，滑蛋算係救場！薯條脆卜卜但得十幾條，整體不過不失～🐟 招牌火車頭雜錦湯河粉材料多！魚片爽、肥牛嫩、泰式貢丸彈牙有肉汁，扎肉同豆卜索晒湯好正～湯底偏甜少咗牛骨香，河粉量多夠飽肚。🐽 泰式豬扒撈檬豬扒感覺質地偏淋（應該用咗鬆肉粉？），不過份量都足夠！撈檬汁酸辣比例啱啱好，撈埋生菜絲同花生碎，口感層次好豐富～🐔 泰式雞扒撈檬雞扒皮脆肉嫩～不過同豬扒對比份量比較少，撈檬汁同豬扒款一樣，兩款撈檬都唔錯！總結：火車頭料多抵食，兩款撈檬水準都算合格，沙爹牛炒蛋包試過一次就算！而服務就真係冇乜㗎喇😅只可以話一次比一次差。