香港地 (Closed)

帶埋bb去山頂行街街，口乾乾肚仔餓！入到去見冇乜人咪坐卡位啦，待應竟然叫我坐近門邊啲木枱櫈，我嘅反應即刻話我抱bb喎，都冇乜人，唔係呀😕！我要杯凍奶茶先，然後個四眼待應話佢地食飯！我直頭O曬咀😮，乜待應食飯,我就唔可以叫飲品嗎？咁講代表乜，我問係咪唔做我生意先？佢竟然答唔係，不過話你知我地食飯啫，你要咪做比你囉！間鋪又冇寫職員用膳時間，唔做生意咩！嘩！我一肚氣😡！杯凍奶茶淡茂茂冇茶味，又'鞋'口！見佢門面sell用黑白奶，但飲落唔似用黑白奶，冇奶味😕！待應咁嘅態度，杯奶茶咁嘅質素😒！直頭冇曬心情冇曬胃囗！埋單走人！坐咗15分鐘，有一兩枱客入，佢地又冇同其他客講要食飯喎！淨係見個待應企響度吹水，都唔見佢地食飯，仲掛優質服務標誌喎！以後上山頂咪使指意有幫襯😠😠！去食麥當當都冇咁嬲，啲掃地呀姐啲態度都好過佢！