Video
Read full review
2021-12-31
42 views
趁住假期仲未完~繼續同buddy周圍發掘影相靚嘅地方📸早排去完大坑~呢日我哋就去咗中環~原來中環除咗大館仲有好多值得一去嘅靚地方之後再介紹吓畀大家知~今日想先介紹咗我等咗好耐終於去得成嘅 @cornercafe.hk 🌾按照慣例，我去靚cafe前係會做好資料搜集~睇吓著咩衫去最夾個環境📸為咗配合餐廳嘅異國風情feel~我就專登著返套同色系嘅波西米亞風裙✨令自己嘅心情都好似去咗旅行咁🧳我見多數人都會坐係個針織吊椅度影~但我個人真係好鍾意啲字同埋後面嗰塊屏風~所以我選擇咗企喺度影~出到嚟個效果都唔錯㗎.影完一輪相📸開始肚餓（影相其實好需要極大能量同埋腦汁🙈😂）所以我哋都開始認真睇menu~我哋就揀咗以下食物同埋飲品~1️⃣生酮全日早餐（$168）而家愈嚟愈多人都用生酮飲食法減肥~呢度都有個專為生酮飲食嘅朋友仔設計嘅All Day breakfast🍳有別平時嘅All Day Breakfast，你係唔會見到有碳水化合物類如toast或者Crossiant 🥐因為Keto Dieter係要攝取10%以下嘅碳水化合物，取而代之就攝取大量脂肪去令身體消耗脂肪來產生能量，呢個就係佢哋「燃燒脂肪」嘅原理
繼續同buddy周圍發掘影相靚嘅地方📸
早排去完大坑~呢日我哋就去咗中環~
原來中環除咗大館仲有好多值得一去嘅靚地方
之後再介紹吓畀大家知~
今日想先介紹咗我等咗好耐終於去得成嘅 @cornercafe.hk 🌾
按照慣例，我去靚cafe前係會做好資料搜集~
睇吓著咩衫去最夾個環境📸
為咗配合餐廳嘅異國風情feel~
我就專登著返套同色系嘅波西米亞風裙✨
令自己嘅心情都好似去咗旅行咁🧳
我見多數人都會坐係個針織吊椅度影~
但我個人真係好鍾意啲字同埋後面嗰塊屏風~
所以我選擇咗企喺度影~出到嚟個效果都唔錯㗎
.
影完一輪相📸開始肚餓（影相其實好需要極大能量同埋腦汁🙈😂）
所以我哋都開始認真睇menu~
我哋就揀咗以下食物同埋飲品~
1️⃣生酮全日早餐（$168）
而家愈嚟愈多人都用生酮飲食法減肥~呢度都有個專為生酮飲食嘅朋友仔設計嘅All Day breakfast🍳有別平時嘅All Day Breakfast，你係唔會見到有碳水化合物類如toast或者Crossiant 🥐因為Keto Dieter係要攝取10%以下嘅碳水化合物，取而代之就攝取大量脂肪去令身體消耗脂肪來產生能量，呢個就係佢哋「燃燒脂肪」嘅原理~講咁多其實都係拋吓書包🙈其實我純粹覺得好正所以叫~本身並非Keto Dieter，所以如有講得唔完善歡迎大家教我🥰講返食物味道，個人覺得食材係新鮮同埋靚👍🏻牛油果🥑係我鍾意嘅質感，唔會太軟林林爛pat pat，而雞胸肉亦有輕鹽味~口感唔會太乾，尚有水份保留到，唔錯🤤最讚係個炒蛋，香濃蛋味🍳仲好嫩滑~
2️⃣煙三文魚翠玉瓜麵（$148）
我同buddy都好鍾意食翠玉瓜~所以我哋就叫咗呢個嚟試吓~原來佢係將啲翠玉瓜刨絲做成麵條狀🤤有創意，翠玉瓜味道清新爽甜，成道菜嘅鹹味來源主要來自煙三文魚~唔會over亦唔會漏~係相對清新嘅一個選擇
3️⃣Rose Herbal Fruit Tea（$48）
本身我好鍾意飲🌹花茶，所以嘢飲都選擇咗呢款玫瑰花果茶~茶壺下面放置咗一個小蠟燭，保持住花茶嘅溫度，就算飲到最後，倒出嚟嘅茶都係熱嘅~☕好細心嘅考慮啊~
4️⃣Rose Latte ($26)
呢杯Latte好香奶味，飲落好細滑，略帶玫瑰味，係一杯好少女風嘅咖啡~
5️⃣榛子摩卡蛋糕（$48）
呢個蛋糕有驚喜‼️都係嗰句，海綿蛋糕個底做得好唔好就決定咗個蛋糕好唔好食，呢個蛋糕好軟熟，濕度控制剛好，略帶朱古力味之餘有少少咖啡嘅回甘，真係好似飲緊杯Mocha咁~值得一試
6️⃣棉花糖柚子芝士蛋糕（$48）
呢款芝士蛋糕係正常發揮，唔算特別超班，中規中矩，柚子味清新，個人覺得棉花糖好食，柚子芝士蛋糕都唔錯，但係兩者放埋一齊好似就有啲唔太夾，如果改用橙皮或者檸皮青去做garnish可能會更有驚喜🎉成件作品會更和諧
.
整體嚟講，喺呢度用餐嘅體驗我哋好滿意，一嚟環境係舒適，睇得出個裝修同佈置係花咗好多心思，所以我悉心打扮嚟打卡絕對係對店主嘅致敬❤️🥰二嚟就係食物質素認真唔錯，令我相信而家嘅打卡餐廳已經唔係只係影相靚，連食物都係有水準~希望餐廳繼續研究更多菜式，等我哋每次嚟都可以有唔同驚喜🎉
.
🌾角落咖啡廳
📍中環德己立街23號晉逸蘭桂坊精品酒店2樓
.
.
#角落咖啡廳 #打卡cafe #中環cafe
#hkfoodie #hkfood #hkblogger #hkinfluencer #hkig #hkgirl #打卡 #香港打卡 #hkbeautyblogger #hkgirls #discoverhk #discoverhongkong #香港 #香港好去處 #hk
#おしゃれさんと繋がりたい #写真好きな人と繋がりたい #ありがとう #写真 #ootd #photooftheday
Post
