Graceland

Open Now

Now Closed

Graceland 位於旺角染布房街12-14A號地下B號舖，鄰近港鐵站，非常方便就腳。餐廳裝潢非常懷舊型格，採用深色木枱，而且餐廳採用半開放式吧枱設計，門口放置了黑膠唱片點唱機，播放著懷舊經典的音樂，讓人有種置身於美國小鎮的感覺。餐廳以美國南部菜式為主，在香港比較小見，所以餐牌的菜式都非常特別。招牌勁辣炸雞漢堡（$135+自選配菜薯條/薯蓉）份量十足，漢堡好大個，麵包軟熟，入面有雞柳、辣椒和特製辣醬而製成，整個包的香料味好惹味，辣得起勁，漢堡做得非常出色。乜都有早餐炸雞窩夫平時食開雪糕配窩夫，今次試新野，乜都有早餐炸雞窩夫真係第一次食，份量比我想像中大份，窩夫上一層一層放滿了炸雞柳，煙肉、漢堡扒，另外可加楓糖醬，一鹹一甜異常匹配。經典朱古力奶昔奶昔上了勁多Cream ，賣相吸引，奶昔夠滑，朱古力味香濃，甜度適中。