但剛剛中伏嘅內心陰霾不去，經過附近有間口甜舌滑糖水鋪⋯未試過，真係驚伏完又伏⋯
但為左胃仔，一於搏多鋪啦～
點了一個楊枝金露同一個清心丸紫米露外賣$60。老闆好有禮貌，感覺還不錯喔！:)
清心丸紫米露我只試了一啖，味道中規中矩，紫米煲到粒中帶糊，不錯！如果加入花奶，相信會更畫龍點睛！
重點係楊枝甘露～真係好足料，西米粒粒分明，柚子肉粒粒漲卜卜，芒果唔酸仲帶小甜，成個糖水質感調教得啱啱好，唔會太稀亦都唔會太杰，所以相當易入口，成碗楊枝甘露甜度恰到好處，只係小小甜！好味，仲大大碗！食到有啲飽添～最重要係感覺到誠意嘅存在，用心去製造一份食物，完全食得出！
口甜舌滑，下次到九龍可以再試試堂食，算係有多一間糖水鋪選擇！
