御滿屋日本料理

Open Now

Now Closed

荃灣嘅滿屋已經開左好一段時間，最近就重新裝修過並以御滿屋嘅品牌繼續經營。我地今日所揀嘅係A餐，有77款食品可以選擇，剩係計刺身類都已經有10幾款，仲有啲唔同嘅串燒、炸物同煮物可以選擇，選擇相當不錯，如果B、C、D就隨價錢有更多食物選擇。無論咩餐都好，自助區既食物、飲品同甜品都係任意享用嘅，就連酒精飲品都係一樣。刺身刺身有10幾款嘅選擇，色澤光鮮，入口都幾鮮甜，冇臭味亦都唔會食到雪粒或者雪味。天婦羅上枱時都仲keep到溫度，炸醬唔會太厚亦唔會太乾。燒物烤得香口，唔好太乾太熟，調味唔會搶左食材本身嘅味道。羊架燒得勁高質，肉質鮮嫩，外層夠香口。煮物夠熱，花膠勁好食，一個人都食到幾份。炸物除左榴槤波波，超級強烈推介椰汁波波，呢個出面未見過，咬開佢成口椰味超正。