我哋想叫啲小食，有好多選擇，所以決定叫一份Combo小食拼盆（$52），有4款唔同嘅小食，每款有2件，姐係總共8件！一次過食到4款唔同嘅小食，正呀！同埋全部都係熱辣辣嘅，特別個炸蝦球，勁彈牙！
仲有呢個招牌菠蘿炒飯配虎蝦（$158）都好推介！推介！賣相一流，原隻菠蘿，而且啲菠蘿串到好高，仲有兩隻虎蝦係上面！即刻打卡打卡！成個菠蘿入滿晒炒飯，啲炒飯加左肉鬆、蛋、雞肉，同埋其他配料，所以食落口感好豐富。
鐘意食蒜蓉嘅話，一定要試呢個蒜蓉虎蝦煲（$118）。超多蒜蓉，配埋粉絲一齊食，好香口。另外，虎蝦大大隻，本身啲蝦殼已經劏開咗，所以輕鬆食晒啲蝦肉。因為係配蒜蓉，所以啲蝦好入味呀！
蒜蓉虎蝦煲免費配一杯熱柚子蜜
然後我地再叫多杯新鮮柚子沙冰。兩杯都係柚子！沙冰嘅頂有好多西柚果肉，酸酸地，好開胃，而好有口感！呢餐真係食得好滿足呀！
