巴蜀烤全魚 (Closed)

屯馬開通真的好興奮，梗係要試搭啦。網上shortlist左間餐廳就出發。喺宋王臺站B3出口直行到最盡，見到九龍城廣場正門嗰條大街就係獅子石道啦。間鋪比較近商場門口，都幾易搵。我大推呢度嘅川式串燒，出色嘅地方係燒得乾身，孜然味好出，好有係大陸食嘅風味。大推黑椒牛仔粒、秘製雞肉串同孜然雞中翼，全部都正。另外叫左爐魚，呢度可以原條叫又可以叫小邊（即係細份d)，就算兩個人食都唔怕叫咗魚太飽食唔落其他嘢。我叫左香麻辣味烤鱸魚，略嫌唔夠辣，食得辣嘅可以叫大辣涼拌麻辣大腸肚絲同埋泡椒雞腳都好掂。我食飯嗰日，人流不斷好多人入嚟食飯，未夠七點已經坐爆曬。