.
銅鑼灣高層潮州菜「張公館」，坐擁維港景致，環境高雅，食物質素更加有驚喜✨
1️⃣ 潮式香炸蝦棗 🦐🔥 外皮炸到金黃酥脆，蝦肉打成膠狀混入馬蹄粒，口感彈牙又帶爽脆，蘸埋醬汁食更惹味。雖然係炸物但一啲都唔油膩，熱辣辣上枱絕對係必點！
2️⃣ 羊肚菌姬松茸水中花燉湯 🍄💧 湯頭清澈見底但味道濃郁到不得了！羊肚菌同姬松茸嘅 香氣完美融合，加上「水中花」（蛋白雕花）嫩滑如豆腐，飲落帶少少甜味，暖胃又養生。一啖湯一啖菌，鮮味層次超豐富。
3️⃣ 杏汁豬肺湯 🥣🤍 傳統功夫菜！豬肺處理得乾乾淨淨，冇半點異味，燉到超軟爛入口即化。杏汁濃郁帶微苦回甘，湯色奶白滋潤，飲完成個喉嚨好舒服！
4️⃣ 蒜蓉粉絲蒸九肚魚 🐟🌿 九肚魚嫩到夾起嚟會「滑」走！蒜蓉爆香後鋪滿魚身，粉絲吸晒魚鮮同蒜香。魚肉似豆腐咁滑溜，骨頭軟到可直接食，鮮味十足又唔腥，真係無得輸。
5️⃣ 楊枝甘露 🥭🍊 芒果肉香甜多汁，西柚微苦平衡甜度，仲有爆汁西米同椰香。重點係醬汁濃稠度剛好，唔會太稀或杰撻撻，凍冰冰食超解膩，仲有淡淡柚子皮香！
6️⃣ 養顏紅棗糕 🌹🍮 煙韌得嚟唔癡牙，紅棗味天然濃郁，冇人造甜味。蒸得軟糯但保持彈性，熱辣辣上枱食，女士們一定會愛上！
總結：環境、食物全部都滿分 💯燉湯同海鮮特別出色，絕對值回票價。適合一家大細或慶祝節日👏🏻大廳侍應、經理服務良好，唯前店接待人員禮貌有待改善🙈
.
張公館✨
📍地址：銅鑼灣登龍街18號V Point 29樓
.
#張公館 #潮州菜 #銅鑼灣美食 #高層夜景 #燉湯專家
