麥當勞 (Closed)

趕時間既關係，同朋友仔叫了芥末雙層魚柳包餐上車食。一打開個啡色外賣袋，wow，魚柳包個盒好靚呀~haha，講返d野食先。由於當時巴士上實在太多人，幾乎full曬。我地決定首先食薯條，無他的，因為係1點既時候，大部份人都仲未食lunch，係巴士呢撻密封既地方食住咁香既野食，一定俾其他人心中咒罵。據朋友仔講，佢買既時候條人龍勁長，所以薯條新鮮製，即使焗係紙袋十幾分鐘都無損佢脆口並香口，即使唔點茄汁都夠曬味。最後終於食個包喇，噢...雖然係兩層魚柳，但size都仲係好細。朋友仔食左半先輪到我食，可能因為咁，芥末汁流曬係另一邊，所以佢話無咩芥末味，而我就幾次都好攻鼻，不過我幾鍾意呢款醬汁。或者係隔左咁耐先食既關係，魚柳焗到稔pat pat，無黎生氣，一d都唔似炸魚柳。