Video
Read full review
2020-11-10
1713 views
廿一前火鍋放題，第一次食！荃灣朋友帶路既！入門有酒精洗手，探埋熱入得！新鮮刺身拼盤：三文魚、左口魚裙邊、希靈魚、赤貝、北寄貝、螺片都新鮮既，有一定厚度，每人有一份！左口魚裙邊都有，加分！通常送既刺身都無依款！泰式生蝦配秘製醬汁比刺身更新鮮，生蝦爽口。個汁酸帶微辣開胃，ready拎野食！連凍肉芝士都有，小小酒店款既自助前菜bar！調味醬有胡麻醬外，仲有少見既花生醬，正！麻香滿滿！山盛香菜湯 +$38勁多芫茜，清熱啦！養生花膠雞湯 +98雞、花膠、京蔥、豆腐、冬菇、蕃茄、小棠菜、蟲草花、杞子。。。料多多，秋冬補身首選湯底！一清熱湯，一濃味湯岩岩好！蟲草花食完可以出去再添，keep住湯味！不過再濃d更好！美國特選牛肉一碟肥多，一碟肥少，都ok！特選豬肉薄切無咁易變老！雞肉嫩肌無乜雞皮，岩哂啦！丸當中以粟米豬肉丸同芥末沙律醬丸最好食！粟米豬肉丸實中帶咬口香甜，芥末沙律醬丸爆醬似蟹子咁！花生苗最驚喜！好耐無食！清甜必食！海鮮拼盤有蝦、墨魚、帶子同埋生蠔，算新鮮！特別係墨魚好彈牙！串燒有醬燒、鹽燒、味增醬選。燒雞腎、金菇肥牛卷、蔥段豚肉卷、燒雞軟骨、菠蘿同茄子！飽到上心口， 燒雞軟骨岩岩好，少少硬
廿一前火鍋放題，第一次食！荃灣朋友帶路既！入門有酒精洗手，探埋熱入得！
新鮮刺身拼盤：三文魚、左口魚裙邊、希靈魚、赤貝、北寄貝、螺片都新鮮既，有一定厚度，每人有一份！左口魚裙邊都有，加分！通常送既刺身都無依款！
泰式生蝦配秘製醬汁比刺身更新鮮，生蝦爽口。個汁酸帶微辣開胃，ready拎野食！連凍肉芝士都有，小小酒店款既自助前菜bar！調味醬有胡麻醬外，仲有少見既花生醬，正！麻香滿滿！
山盛香菜湯 +$38勁多芫茜，清熱啦！
養生花膠雞湯 +98
雞、花膠、京蔥、豆腐、冬菇、蕃茄、小棠菜、蟲草花、杞子。。。料多多，秋冬補身首選湯底！一清熱湯，一濃味湯岩岩好！蟲草花食完可以出去再添，keep住湯味！不過再濃d更好！
美國特選牛肉一碟肥多，一碟肥少，都ok！特選豬肉薄切無咁易變老！
雞肉嫩肌無乜雞皮，岩哂啦！
丸當中以粟米豬肉丸同芥末沙律醬丸最好食！粟米豬肉丸實中帶咬口香甜，芥末沙律醬丸爆醬似蟹子咁！
花生苗最驚喜！好耐無食！清甜必食！
海鮮拼盤有蝦、墨魚、帶子同埋生蠔，算新鮮！特別係墨魚好彈牙！
串燒有醬燒、鹽燒、味增醬選。燒雞腎、金菇肥牛卷、蔥段豚肉卷、燒雞軟骨、菠蘿同茄子！飽到上心口， 燒雞軟骨岩岩好，少少硬口，但唔洗大多牙力！
炸串食左蘆筍豚腩卷串同炸蓮藕串，比樣子好食，特別炸蓮藕串，外炸粉少少辣，入面脆帶汁！最後店員過嚟問要唔要熱茶熱水，好貼心！
Post
