港畔餐廳 (Closed)

多謝老友大解慳囊，提早賜我生日自助大餐。撞正巨形吞拿魚，人山人海，解剖表演，有咩好睇呢？樓底超高，感覺超爽，非常修長地形的餐廳。劃分多個食物區，首次見到如此盛大的豪宴，種類繁多，目不暇給。波士頓龍蝦、茄菲蟹、松葉蟹、大蜆、青口、翡翠螺、海蝦、鮑魚、淡水龍蝦仔、帶子刺生、三文魚刺生、大眼三文魚刺生、吞拿魚刺生、黃鰭吞拿魚刺生、墨魚刺生、吞拿魚腩壽司、炆羊膝、辣炒松葉蟹波士頓龍蝦淡水龍蝦、粟米龍蝦湯、瑤柱燕窩羹、鵝肝洋蔥迷你漢堡、燒牛柳、、炆五花腩、高湯五花腩墨魚汁麵、蒸海斑、朱古力梳乎里、咖哩炒蟹、炆海參、花膠炆雞、炒飯、洋蔥煙肉煎薯仔、火腿、風腿、芝士、壽司、雜菜天婦羅、大量甜品、鹽焗原條三文魚、等等等等，未能盡錄。中西日、東南亞、海鮮、甜品、沙律、冷盤、刺生、壽司、扒爐、燒烤、等等等等，真係講唔完。第一輪戰鬥，開動！淡水龍蝦，不藏任何蝦膏，手指尾大的肉身，爽爽而非常淡茂茂，如有醬點下就更好啦。海蝦，最穩陣之選，難食微乎其微，爽爽甜甜多汁滿意。大蜆，無味既？過熟帶韌，鮮味完全流失。青口，比大蜆好一點點，富彈性的青口肉，不粉不韌滲出微量海產甜味。翡翠螺，硬實實，鞋烚烚，不鮮不甜，我寧願食