餐廳在KT地標之一，駱駝漆大廈。廠厦改建，熟知呢區的一定唔會陌生，甚麼outlet，開倉，物流集運等等都有，近年都很多食店進駐。之前試過一，兩間，感覺普通。
早去到，少人不用等位。地方簡潔，水泥牆果然好工廠feel。
午餐有指定set menu，同事之前已預留了慢煮猪鞍，因為聽講限量供應。我就揀燒猪肋骨。而每個set 都可配飯，意粉，薯蓉或者沙律，另有湯和餐飲跟。
餐湯是忌廉湯，味濃，香，但不夠熱。蒜味多士香口。
同事的猪鞍先上。嘩! 唔只係大，直情可以用個"巨"字來形容!
留意照片塊肉同把刀的比例。同事話肉厚，唔韌，好味。
我的燒猪肋骨亦到，勁大碟。可能我揀配意粉有茄醬係面，成碟個樣都好"茄"。
另每一碟上有一碗類似沙律菜的東西，好似係切碎的椰菜花。我的燒肋骨味道ok, 但似乎過咗火，肉質較削。
小小聚會，大家盡興! 下次有機會要試下其他!
