Wakayama (Zone A, Lok Fu Place)

叫乜冇乜，服務態度差，做錯嘢完全冇承擔責任嘅諗法。叫咗個二人餐，首先係問都冇問就轉咗第二樣小食，嚟到先至話冇原先嗌嗰個，仲要轉咗個勁難食。另外唔知點解用電話落單都可以甩單，催咗單成十分鐘，個店員先走嚟話廚房唔知要煮，定以為已經煮咗，之後話已經收咗爐煮唔到，最後就要由意粉轉咗做拉麵 。最令人嬲係其中一個員工嘅態度勁差，完全冇嗰種做錯嘢嘅感覺，仲好似迫我地轉拉麵咁。原本見佢啲嘢食都算平，仲諗住可以有下一次，試吓其他嘢食，依家以後唔使再嚟啦。